Limak Kosovo
Fillimi / Opinione / Zymer Mehani: Porsi gjeraqinë
Antigone Fazliu

Zymer Mehani: Porsi gjeraqinë

(Dëshmores Antigonë Fazliu, fragment nga poema “Jeton Gona n’zemrat tona)

Përballë kohës 
E tufanit 
Dhe furtunës 
E murlanit

Me gjak tëndin 
N’ histori 
Vetë firmose 
Pavdekësi

Emri yt 
Më i bukuri n’ botë 
Porsi gjeraqinë 
Në suferinë e shqotë

Sytë e tu- 
Shkrepëtimë lirie 
Zemra jote- 
Flakë atdhesie

Në shqiponjë 
Shëmbëlleve 
Dhe tiranin 
E urreve

Porsi shqipe 
Heroinë 
Shumë e deshe 
Shqipërinë

Në llogore 
Si yll drite 
Për liri 
U dogje, u fike

Ndaj furtunash 
E stuhish 
Zemrën zjarr 
E syrin pishë

E patrembur 
Ishe ti 
N’flakë u hudhe 
Për liri

(…) 
Midis shokëve t’saj 
Gone sokolesha 
Kur gjëmonte bjeshka 
Digjej porsi eshka

Këto vatra t’shtrenjta 
Kur na i përgjakën 
Zemrat për atdhe 
Seç na u përflakën

Lulëkuqja 
Heroinë 
Shqiptarisht 
Ra për lirinë 
(…) 
Uturonte moti 
Shqotë e suferinë 
Gona në llogore 
Fliste me lirinë

Me zogj t’shqipes 
Gona n’pritë 
Natë e ditë 
Po bënin dritë

Kishin zemrat 
Si vullkan 
Zjarr lirie 
Flakadan

Lavdi trime 
Antigonë 
E Flamurit 
Je Shqiponjë

 

Kontrolloni gjithashtu

Adem Breznica

Adem Breznica: 2 Korriku 1990, gur themeltar i Kosovës së pavarur

30 vite më parë, në një datë si kjo e sotshmja, më 2 Korrik 1990, ...