42 vite punoi për shkollën kombëtare – Sot pensionohet  Selim Mazreku drejtor i shkollës ” Nuhi Mazreku” Guriq

Me rastin e pensionimit të drejtorit të shkollës Fillore të Mesme të Ulët ”Nuhi Mazreku”, në Guriq të komunës së Malishevës, Selim Mazrekut, mori pjesë, Drejtoresha e Drejtorisë për Arsim dhe Edukim, Arbëreshë Krasniqi e shoqëruar edhe nga zyrtari, Enver Mazreku. Në këtë ceremoni të pensionimit dhe të ditëlindjes së 65 të  drejtorit Mazreku, mes tjerash në fjalën e sajë, Krasniqi tha:” Ju shprehi mirënjohjen më të lartë për bashkëpunimin profesional që  treguat në udhëheqjen e shkollës tuaj, me të vetmin mision ngritjen e cilësisë në mësimdhënie dhe mësimnxënie për nxënësit, ndërtuat bashkëpunim  të qëndrueshëm me strukturat e shkollës të  prindërve dhe institucioneve komunale. I gjithë ky motiv pune   nga ju,  padyshim ishte mësuesi, luftëtari i Ushtrisë Çlirimtare të Kosovës dhe heroi  i atdheut Nuhi Mazreku, emrin e të cilit e mbanë shkolla juaj, dhe vazhdoi ”Nuhi Mazreku- Heroi i Kosovës, me luftën e tij dhe bashkëluftëtarëve  në fund edhe me jetën që ia dha atdheut e shkollës shqipe, tregoi shembullin e njeriut të madh se si duhet atdheu, kombi dhe sa më vlerë është liria, prandaj ju me kolektivin e mësonjëtores, punuat që brezat e rinj jo vetëm t’i kujtojnë heronjtë tanë, por edhe të përkujdesën për të ardhmen e shkollës dhe lirisë kombëtare”, përfundoi Krasniqi. Edhe, Skënder Gashi, nga SBSHKU- Dega në Malishevë, foli për Selim Mazrekun edhe si mësues edhe si drejtor por edhe si një anëtar i palëkundur i SBSHKUT, për shumë vite.  E vet Selimi i drejtua të pranishmëve  duke thënë” Të punosh për shkollën shqipe dhe ta udhëheqësh atë ndër vite, përveç që ishte sfidë, ishte edhe përgjegjësi, prandaj  i falënderoi tërë kolektivin me të cilin bashkërrugëtuam në sukseset e shkollës tonë”. Në fund iu ndanë mirënjohje drejtor Selim Mazrekut, nga Drejtoresha, Arbëreshë Krasniqi, kolegët dhe familja.

May be an image of 8 people and people standing

Kontrolloni gjithashtu

Kryetari Latifi ka vizituar Këshillin e Bashkësisë Islame në Rahovec, teqenë e Halvetive dhe teqenë e Rifaive në Rahovec

Për nder të festës së Bajramit të Vogël, kryetari i komunës së Rahovecit Smajl Latifi, …