Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Ramush Haradinaj, gjatë një interviste dhënë një televizioni serb ka deklaruar se fuqitë e kryetarit të vendit janë të qarta, dhe se territoret dhe kufijtë e Kosovës nuk janë nën juridiksionin e tij. “Presidenti i Kosovës, Hashim Thaçi përfaqëson vendin, territoret dhe kufijtë nuk janë në autoritetin e presidentit. Sovraniteti dhe integriteti i Kosovës janë kategori kushtetuese. Tek ne Kushtetuta respektohet”, ka shtuar Haradinaj. Ndërkaq i pyetur nëse ekziston mundësia që Kosova ta pranojë caktimin e kufijve ashtu siç e sheh kryetari i Serbisë, Aleksandar Vuçiq, Haradinaj është përgjigjur shkurt me “jo”. “Është e gabueshme të flitet për këtë. Kemi kaluar tashmë nëpër tragjeditë e viteve të ’90-ta. Tani i kemi kufijtë dhe ndoshta jo të gjithë jemi të kënaqur me këta kufij, por nëse nuk i respektojmë edhe ata, atëherë çfarë do të ndodhë”, ka shtuar Haradinaj.
