Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Lidhjes Demokratike të Kosovës, Ismet Beqiri pas takimit në mes të kryesisë së kësaj partie dhe të kryetarëve të degës së LDK-së ka thënë që kjo parti beson që prapa marrëveshjes me Serbinë ka diçka tjetër duke mos përjashtuar kështu mundësinë e formimit të Asociacionit me kompetenca ekzekutive. “Është e vështirë por ne besojmë që ka diçka prapa saj. Larg asaj që mund të ketë ndonjë tendencë si Asociacioni me fuqi ekzekutive që është e papranueshme për ne dhe po ashtu tendencat eventuale për autonomi apo të ngjashme. Ne nuk po themi që e ka thënë zoti Thaçi por këtë e kemi drojë:, ka thënë Beqiri. Ai ka rikonfirmuar edhe njëherë që dialogu nuk duhet të jetë i ngutshëm për Kosovën, pasi që ai i tillë është vetëm për Serbinë. “Në i informuam për qëndrimet tona për dialogun. Ne insistojmë që e para ky dialog nuk është i ngutshëm, i ngutshëm është vetëm për Serbinë ky dialog”, ka thënë tutje ai.
