Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në sqarimin për opinion që kanë bërë kryetarët e organizatave të dala nga Lufta e Ushtrisë Çlirimtare të Kosovës, dega në Skënderaj thuhet:
Ne jemi duke e përcjellë situatën rreth ngjarjeve të fundit lidhur me Listat e “Veteranëve mashtrues” (siç po i quan Prokuroria dhe mediet), gjendje kjo aspak e mirë, e cila na ka shqetësuar të gjithëve, sepse nuk është e lehtë kur në mesin e atyre listave sheh luftëtarë të dalluar, të cilët në luftën e lavdishme çlirimtare ishin përkrah nesh, në shërbim të luftës për liri e pavarësi.
Duke mos dashur të bëjmë dallime, as t’i kundërvihemi askujt individualisht në shkrimet, reagimet e sqarimet e publikuara nëpër portale të ndryshme, do të sqarojmë një gjë të qëndrueshme, për të cilën jemi të sigurt ta themi e të përgjigjemi moralisht e ligjërisht se; Në Zonën Operative të Drenicës, gjatë kohës së luftës kanë qenë katër (4) Brigada: Brigada 111, 112, 113 dhe 114, derisa Brigadat; 112, 113 e 114 kanë qenë të organizuara me Batalione, Kompani, Togje e Skuadra, pastaj Policia Ushtarake, Batalioni i Shendetësisë dhe ai i Emergjencës, kurse më vonë është themeluar e konsoliduar edhe Sektori i Kulturës, i cili sektor është emërtuar Trupa Artistike Ushtarake “Hamëz Jashari”, dhe të gjitha këto kanë pasur zinxhir komandues. Prandaj ne konsiderojmë së verifikimi i të gjithë atyre që kanë qenë pjesëtarë të UÇK-së, më se miri verifikohet nga ky zinxhir komandues, duke punuar drejtë dhe pa ndërhyrje të askujt nëpër të gjitha Zonat Operative të UÇK-së.
E gjitha kjo që është bërë deri me tani si, verifikimi e tash publikimi i këtyre listave konsiderojmë se është jo e drejtë dhe aspak e pranueshme për ne. Duke marr parasysh se ka pjesëtarë, të cilët për arsye të ndryshme kanë mbetur pa u përfshi në verifikim ne kërkojmë ndjesë dhe ndërkohë, për të gjitha parregullsitë e deritanishme, nëse duhet kërkuar përgjegjësi duhet kërkuar nga zinxhiri komandues e jo vetëm nga disa individë të Komisionit Verifikues që janë përfshi në aktakuzën e prokurorit.
Duke mos dashur të përzihemi në punët e drejtësisë, as të medieve, por për shkak të korrektësisë dhe të drejtës, edhe njëherë kërkojmë që të ndalojnë fushatën e egër të nisur vite më parë kundër Pjesëtarëve të Ushtrisë Çlirimtare të Kosovës, sepse duke u munduar ta degradojnë vlerën e Luftës së lavdishme çlirimtare po krijojnë përçarje në e popull.
Skënderaj
Për: OVL, Emin Lati, Kryetar
SHIL, Haki Aruqi, Kryetar
SHFD, Brahim Misini, Kryetar
- 9. 2018
