Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Interpretime të ndryshme për deklaratat e zyrtarëve të lartë amerikanë kanë prezantuar në Kosovë, kryetari Thaçi dhe kryeministri Haradinaj, sa i përket idesë për ndryshimin e kufijve. Derisa Haradinaj ka thënë se Amerika nuk sugjeron zgjidhje ku preken territoret dhe kufijt, në Presidencë thonë se kjo varet nga palët se çfarë marrëveshje duan. Kundërshtimet e brendshme dhe një pjese të faktorit ndërkombëtar që të mos preken kufijtë, nuk e kanë zmbrapsur Thaçin. Shefi i stafit të kryetarit, Bekim Çollaku, ka thënë se vazhdojnë të besojnë që vetëm nëpërmjet korrigjimit të kufirit, Kosova mund t’i arrijë dy qëllimet kryesore në kuadër të procesit të dialogut-njohjen nga Serbia dhe bashkimin e Preshevës, Bujanocit dhe Medvegjës me Kosovën. Sipas tij, çështja e korrigjimit të kufirit është diskutuar edhe në takimet e fundit në Shtetet e Bashkuara.
