U diskutua për Hidrosistemin e Dragaçinës

02/11/2018 Institucionet

Kryetari i Komunës së Suharekës, Bali Muharremaj, deputeti i Kuvendit të Kosovës Blerim Kuçi, drejtori i Hidroregjionit Jugor Besim Baraliu, inxhinieri i ujërave Lavdim Osmanaj dhe zyrtarë tjerë, kanë biseduar rreth ngritjes së Hidrosistemit të Dragaçinës, krijimit të një liqeni akumulues që do të furnizonte Komunën e Suharekës me rreth 500 litra ujë në sekondë. Gjatë këtij takimi u tha se kapacitetet e ujit që do të sigurohen nga ky projekt do të jenë të mjaftueshme për ekonominë, ujin e pijshëm, industrinë dhe bujqësinë e Komunës së Suharekës. Deputeti Kuçi ka propozuar që fillimisht të bëhet një studim i fizibilitetit të Projektit, pastaj të studiohet Projekti ekzistues, të shikohen parametrat dhe të bëhet përshkrimi i standardeve të reja. Ky projekt që ka një rëndësi të veçantë për banorët e Komunës së Suharekës, do të kushtojë shumë dhe nuk ka mundësi të realizohet nga buxheti i Komunës, prandaj u tha se do të kërkohet ndihmë nga Qeveria e Kosovës.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara