Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e LDK-së, Vjosa Osmani ka thënë se kjo parti ka qëndrime të ndryshme ideologjike me Vetëvendosjen, por bashkëpunimi me ta është i mundshëm. Osmani në RTV Dukagjini, ka thënë se përkundër këtyre dallimeve në Kuvend LDK ka pasur bashkëpunim me VV-në. “Një koalicion i ardhshëm me Vetëvendosjen është i mundshëm dhe siç e dini ne kemi një bashkëpunim jashtëzakonisht të mirë në Kuvend”, tha ajo. Deputetja e LDK-së ka thënë se me Vetëvendosjen kanë bashkëpunim të mirë edhe në nivel kryetarësh. Ajo ka thënë se për koalicione parazgjedhore apo pas zgjedhore do të vendosin organet e partisë. “Pasi t’i fitojmë zgjedhjet, për koalicione vendosim bashkë në Këshill të Përgjithshëm dhe në Grup Parlamentar”. Osmani ka thënë se ideologjikisht LDK dhe Vetëvendosje janë të kundërta, pasi LDK është parti e djathtë, ndërsa Vetëvendosje e majtë.
