Kryetari Jashari falënderon për Epopenë e UÇK-së

08/03/2019 Institucionet

Në përmbyllje të Manifestimit të Epopesë së Ushtrisë Çlirimtare të Kosovës, me Natën e Zjarreve në vendin ku ka rrënjë liria dhe pavarësia e vendit – në Prekazin e shqiptarisë, dhe me koncertin ku edhe nëpërmjet këngës e valleve nga këngëtarët e mirënjohur të estradës shqiptare, u nderua Komandanti Legjendar Adem Jashari dhe Familja Jashari, në 21 vjetorin e rënies heroike në altarin e lirisë, më lejoni të shpreh falënderimet më të sinqerta për të gjithë shqiptarët që vizituan këto ditë Prekazin dhe Skenderajn. Dua të falënderoj gjithashtu Kryeministrin e Republikës së Kosovës, Ramush Haradinaj, për mbështetje institucionale të aktiviteteve në kuadër të Manifestimit tradicional Epopeja e UÇK-së. Mirënjohje të thellë edhe për udhëheqësit tjerë të institucioneve shtetërore, delegacionet e komunave, familjet e dëshmorëve, veteranët e invalidët e UÇK-së, Policinë e Kosovës, Ushtrinë e Kosovës, komunitetin sportiv, artistik!

Faleminderit nga zemra secilit shqiptar!

Ju ishit ata që madhështuat shënimin e datave historike 5, 6 dhe 7 mars 1998!

Adem Jashari është i të gjithëve!

Zoti e bekoftë popullin shqiptar!

Kontrolloni gjithashtu

Kryetari Latifi merr pjesë në panelin në kuadër të “Javës së gruas”

Me ftesë të Institutit Demokratik Kombëtar (NDI), kryetari Smajl latifi mori pjesë në panelin në …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara