Nadire Ymeri – Drejtore e re e Qendrës Kryesore të Mjekësisë Familjare

08/03/2019 Institucionet

Kryetari i Komunës së Ferizajt, Agim Aliu i shoqëruar edhe nga drejtori i Shëndetësisë dhe Mirëqenies Sociale, Bekim Ademi, udhëheqësi i njësisë së shëndetësisë në Komunën e Ferizajt, Ibush Bakolli, ka pritur në takim, drejtoren e Qendrës Kryesore të Mjekësisë Familjare, Nadire Ymeri. Në këtë takim u bisedua për rrjedhën e punëve në këtë institucion, politikat shëndetësore në nivelin lokal si dhe reformën e thellë në këtë sektor gjatë kësaj qeverisje. I pari i Ferizajt, Agim Aliu tha se edhe me këtë rast, qeverisja e re lokale po jep një shembull për drejtuesit e institucioneve tjera, duke vendosur në krye të institucionit më të rëndësishëm shëndetësor në nivel lokal, një grua, një profesioniste. Ai i garantoi drejtores së re të QKMF-së, bashkëpunimin të plotë, me qëllim rritjen e përgjegjshmërisë në punë si dhe rritjen e cilësisë së shërbimeve për qytetarët, duke vendosur kështu rend, rregull, disiplinë brenda institucionit. Edhe drejtori i Drejtorisë së Shëndetësisë dhe Mirëqenies Sociale, Bekim Ademi ka uruar drejtoren Ymeri për detyrën e re duke i garantuar se do ta ketë mbështetjen e plotë të tij në implementimin e suksesshëm të objektivave qeverisëse për fushën e shëndetësisë. Zonja Ymeri, falënderoi të parin e Komunës, Agim Aliu për gatishmërinë e tij, njëkohësisht edhe drejtorin Ademi për ofrimin e bashkëpunimit të pakursyer me qëllim të zbatimit efikas të platformës në shëndetësi, që qytetarëve ferizajas t’i ofrohen shërbime cilësore dhe të shpejta. Drejtorja e re e Qendrës Kryesore të Mjekësisë Familjare nis punën sot, në krye institucionit më të lartë shëndetësor në nivel lokal.

Kontrolloni gjithashtu

Kryetari Latifi merr pjesë në panelin në kuadër të “Javës së gruas”

Me ftesë të Institutit Demokratik Kombëtar (NDI), kryetari Smajl latifi mori pjesë në panelin në …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara