Shumë shpejt do të fillojë renovimi i objektit të Çerdhes “Nëna Zahide” në Skenderaj

12/04/2019 Institucionet

Kryetari i Komunës së Skenderajt, Bekim Jashari, së bashku me drejtorët për Arsim si dhe Bujqësi, Pylltari dhe Zhvillim Rural, respektivisht Bekim Latifi dhe Sokol Sallahu, kanë pritur në takim drejtorin e përgjithshëm të TIKA-s turke në Kosovë, Hasan Burak Ceran, me të cilin kanë diskutuar rreth bashkëpunimit në fusha të ndryshme, me theks të veçantë në fushat e arsimit dhe bujqësisë. Me këtë rast, është bërë e ditur se TIKA do të mbështesë projektin e rinovimit të objektit të Institucionit Parashkollor “Nëna Zahide” në qytetin e Skenderajt, brenda dhe jashtë. Kryetari Jashari e ka falënderuar drejtorin Ceran, dhe nëpërmjet tij edhe popullin turk për mbështetje të projekteve në dobi të qytetarëve. Gjatë takimit drejtori i TIKA-s ka premtuar përkrahje edhe të projekteve tjera në bujqësi dhe fusha të tjera. Pas takimit, ata kanë vizituar çerdhën publike, për të parë nga afër gjendjen aktuale.

Kontrolloni gjithashtu

Kryetari Haliti mbledh Këshillin e Drejtorëve, kërkon mobilizim të plotë pas paralajmërimeve për përkeqësim të motit

Nën kryesimin e kryetarit të Komunës së Vitisë, Sokol Haliti, sot është mbajtur mbledhja e …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara