Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli Shtetëror për Cilësi, ditë më parë mori vendim që të mos i akreditojë tri universitete publike. Ky vendim nuk u mirëprit nga kryeministri në largim, Ramush Haradinaj, por as nga Ministria e Arsimit. Ministri Shyqiri Bytyqi, thotë se javën e kaluar kanë pranuar një raport nga ekspertë të jashtëm mbi të gjeturat në universitetet publike që nuk u akredituan, të cilin janë duke e analizuar brenda Kabinetit, por edhe Ministrisë. Kreu i Ministrisë thekson pas kësaj analize do të marrin hapat e duhur. Megjithatë ministri Bytyqi shprehet se KShC-ja është agjencion i pavarur dhe se janë të obliguar të respektojnë vendimet e saj. Thotë se përgjegjësia për mosakreditim bie mbi menaxhmentet e universiteteve gjegjëse, ndërsa thotë se punë e Ministrisë dhe Qeverisë është t’u ofrohet ndihmë, nëse ato kërkojnë një gjë të tillë.
