Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëdhënësi i forcave paqeruajtëse të KFOR-it, në Kosovë, Pio Sabeta, ka deklaruar për mediet në Serbi se situata aktuale e sigurisë në vend është e qetë dhe nën kontroll. KFOR-i po punon në bashkëpunim të ngushtë me organizata vendëse e ndërkombëtare të sigurisë. Po pati kërcënim të çfarëdo lloji për mundësinë e shkeljes së situatës së sigurisë, KFOR-i është i gatshëm të miratojë masa të domosdoshme për ruajtjen e sigurisë në Kosovë” tha ai duke iu përgjigjur deklaratës së kryetarit të Serbisë, Aleksandar Vuçiqit, sipas të cilit ka mundësi për incidente në Kosovë gjatë vjeshtës. I pyetur nëse KFOR-i ka njohuri në lidhje organizatën shqiptare B-13, për të cilën disa media në Serbi pohojnë se ka në plan të sulmojë serbët në Mitrovicën veriore, Sabeta u përgjigj se KFOR-i po e ndjek me vigjilencë dhe në vazhdimësi situatën. Kryetari i Serbisë, Vuçiq, ka deklaruar se nuk përjashton mundësinë e incidenteve në Kosovë, por në të njëjtën kohë edhe është kërcënuar se Serbia nuk do të lejojë dëbim ose vrasje të serbëve, kudo qofshin ata.
