Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Mbrojtjes, Rrustem Berisha, u takua sot me Drejtorin e ri të Ekipit Këshillues dhe Ndërlidhës të NATO-s në Kosovë, gjeneralin Mihael Obernejer. Ministri Berisha falënderoi gjeneralin Obernejer për përkrahjen e vazhdueshme në ndërtimin e FSK-së si Forcë profesionale, multietnike dhe të besueshme. Gjithashtu, Ministri theksoi gatishmërinë e Ministrisë dhe FSK-së që bashkëpunimi me Këshillin Ndërlidhës të thellohet edhe më tej, në të gjitha projektet e parashikuara me Planin Gjithëpërfshirës të Tranzicionit të FSK-së. Gjenerali Obernejer shprehu konsideratë për punën e Ministrisë dhe FSK-së edhe gjatë periudhës së Qeverisë kujdestare, duke përmendur përfundimin me sukses të disa projekteve të planifikuara dhe miratuara më parë. Në takim u diskutua për rolin më aktiv të NALT-it në këtë fazë, me theks të veçantë në koordinimin sa më të mirë midis Ministrisë dhe FSK-së gjatë procesit të operacionalizimit të plotë të Shtabit të Përgjithshëm të FSK-së sipas strukturës së re.
