Kanë filluar punimet në asfaltimin e rrugëve në projektin e titulluar “Izbica faza II”

03/10/2019 Institucionet

Kryetari i komunës së Skenderajt Bekim Jashari, së bashku me nënkryetarin Nuredin Lushtaku, drejtoreshën e Urbanizmit Sanije Ahmeti, inxhinierë dhe profesionistë kanë marrë pjesë në përurimin e fillimit të punimeve në projektin “Izbica faza II”, ku përfshihen asfaltimi i segmenteve të rrugëve në fshatrat Kopiliq i Poshtëm, Burojë, Turjan dhe Aqarevë.

Kryetari Jashari ndër të tjera ka theksuar: “Po vazhdojmë pothuajse çdo ditë me punë konkrete, kësaj radhe së bashku me nënkryetarin Nuredin Lushtaku, drejtoreshën Sanije Ahmeti dhe inxhinierë, bëmë përurimin e fillimit të punimeve në projektin “Izbica faza II” ku përfshihen asfaltimi i segmenteve të rrugëve në fshatrat Kopiliq i Poshtëm, Burojë, Turjan dhe Aqarevë. Banorët e kësaj pjese i urova për trajtimin e këtyre rrugëve, të cilët iu gëzuan këtij projekti sepse ishte kërkesë prioritare e tyre gjatë vitit të kaluar. Kështu bashkë me ju qytetarë do të vazhdojmë të punojmë çdo ditë e më shumë për vendin tonë!”, është shprehur kryetari Jashari.

Kontrolloni gjithashtu

Kuvendi Komunal i Vitisë ka mbajtur sesion informues mbi zhvillimin e Komunitetit

Sot në sallën e Kuvendit Komunal të Vitisë, është mbajtur Sesioni Informues me Fondacionin Kosovo-Luxemburg, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara