Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri, Ramush Haradinaj, në një konferencë për gazetarë ka folur rreth zhvillimeve politike në vend dhe vonesave në formimin e qeverisë, duke thënë se partia fituese e zgjedhjeve është përgjegjëse për krijimin e institucioneve. Ai tha se Aleanca për Ardhmërinë e Kosovës nuk është kontaktuar nga askush dhe nuk është pjesë e asnjë negociate me Vetëvendosjen as me Lidhjen Demokratike të Kosovës. “Në sistemin tonë parlamentar partia fituese mbahet përgjegjëse për krijimin e institucioneve”, tha Haradinaj, duke shtuar se dy herë ka formuar qeverinë dhe nuk ka qenë proces i lehtë. Ai tha se ende kritikohet për qeverinë e madhe dhe numrin e zëvendësministrave, por sipas tij, nuk ka qenë e lehtë ta sigurojë shumicën për qeverisje. Haradinaj, duke folur për zhvillimet aktuale dhe çështjen e mandatarit tha se nuk mundet partia e dytë ta krijojë qeverinë, derisa nuk ka situatë të re.
