Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një intervistë për gazetën “Dnevnik” të Novi Sadit, zëvendësi i kryeministrit Mustafa Branimir Stojanoviq, ka deklarua se më e rëndësishmja është që rreth zgjedhjeve të mos ngrihet shumë pluhur, sepse vërtetë janë të panevojshme e të pakuptimta çfarëdo tendosjesh. Nuk e shoh se çfarë i pengon shqiptarët votimi i serbëve në zgjedhjet për parlamentin Serbisë. Ndoshta kjo e pengon dikë për shkak se për serbët këto zgjedhje janë shumë të rëndësishme. Por ky nuk është kurrfarë argumenti dhe për këtë arsye pres që zgjedhjet e ardhshme të mbahen pa kurrfarë problemesh e përgjegjësia për këtë bie në radhë të parë te faktori ndërkombëtar, ka thënë Branimir Stojanoviqi, për gazetën “Dnevnik” të Novi Sadit. Lidhur me deklaratën e Edita Tahirit, ministre për Dialog, se zgjedhjet serbe nuk do të mbahen në hapësirën Kosovës, Stojanoviq thekson këto ide radikale nuk i kemi të panjohura. Por, me rëndësi është se këta njerëz ( si Edita Tahiri) as marrin vendime dhe as që kanë ndikim për marrje vendimesh.
