Haliti: Mediat po luajnë rol të rëndësishëm në luftën kundër pandemisë

03/05/2020 Institucionet

Kryetari i Komunës së Vitisë Sokol Haliti, vlerëson lart rolin e mediave dhe të gazetarëve në luftën kundër pandemisë me COVID-19. Ai në Ditën Ndërkombëtare të Lirisë së Shtypit ka pritur një grup të gazetarëve nga Klubi i Gazetarëve “Kerem Lawton”, në Viti. Kryetari Haliti shprehu respektin dhe mirënjohjen për punën dhe angazhimin e gazetarëve dhe kameramanëve në këtë kohë të vështirë, të cilët nga vija e frontit po raportojnë dhe po e paraqesin gjendjen në terren. Ai tha se informimi i drejtë dhe me kohë, ka shërbyer në menaxhimin më të mirë dhe më të lehtë të situatës dhe në vendosjen e komunikimi të drejtpërdrejtë dhe të shpejtë me qytetarët në lidhje me masat dhe veprimet që janë ndërmarrë. I pari i komunës së Vitisë, Sokol Haliti, mediave iu ka ofruar bashkëpunim të mirë edhe në të ardhmen, duke shprehur respekt për punën e tyre. Ai ka kujtuar edhe gazetarin e ndjerë vitias, Ibrahim Sefedini, i cili u nda nga jeta vitin e kaluar. Kryetari i klubit të gazetarëve “Kerem Lawton”, Shyqeri Halabaku, ka thënë se liria e shprehjes tek ne ka shënuar një përmirësim të vogël, por mediat po ballafaqohen me krizë financiare, sidomos në këta muajt e fundit të pandemisë. Ai në emër të gazetarëve ka falënderuar të gjithë mekanizmat relevant për bashkëpunim në plasimin e informacioneve në lidhje me gjendjen e krijuar nga pandemia. Paraprakisht, gjatë ditës, kryetari Haliti me bashkëpuëntorë, gazetarët dhe përfaqësues të Policisë së Kosovës, bënë homazhe tek memoriali kushtuar gazetarit britanik Kerem Lawton, i cili humbi jetën në vitin 2001, gjatë raportimit nga konflikti i armatosur në Maqedoninë e Veriut. Në vitin 1993, Asambleja e Përgjithshme e Kombeve të Bashkuara, bazuar edhe në nenin 19 të “Deklaratës së të Drejtave të Njeriut” mbi lirinë e shprehjes, shpalli 3 Majin si Ditën Ndërkombëtare të Lirisë së Shtypit. Kjo ditë shënohet çdo vit në mbarë botën.

Kontrolloni gjithashtu

Kryetari Aliu ka pritur në takim ekipin për monitorim dhe ndërlidhje të KFOR-it amerikan

Kryetari i komunës së Ferizajt, z. Agim Aliu, të premtën ka organizuar një pritje për …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara