Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Turqisë, Rexhep Taip Erdogan ka deklaruar se njëri nga organizatorët e sulmeve terroriste, në Bruksel, ku humbën jetën të paktën 31 persona dhe morën plagë rreth 300 qytetarë, ishte ekstraduar nga Turqia për në Belgjikë. Autoritetet belge e liruan të dyshuarin, edhe pse autoritetet turke kishin bërë të ditur se personi në fjalë përbënte rrezik të lartë për sigurinë. Ai person ishte arrestuar në kufirin e Turqisë me Sirinë, në Gaziantep. Turqia zyrtarisht i kishte njoftuar autoritetet belge për deportimin e tij më 14 korrik, por përkundër paralajmërimeve tona se ai person ishte luftëtar i huaj terrorist, Belgjika nuk kishte gjetur asnjë lidhje të tij me terrorizmin. Kryetari i Turqisë, Erdogan ka qenë shumë aktiv me paralajmërimet e tij ndaj Perëndimit për sulmet terroriste. Ai dha një deklaratë të bujshme pas sulmeve në Ankara, ku paralajmëroi BE-në për sulme të tjera terroriste.
