Kryetari Haliti vizitoi punimet në rregullimin e sheshit në qytetin e Vitisë që do të bashkohet me parkun e qytetit

26/08/2020 Institucionet

Në qytetin e Vitisë kanë filluar punimet në rregullimin e sheshit në qendër të Vitisë. Me këtë rast Kryetari i Komunës së Vitisë, Sokol Haliti ka vizituar nga afër punimet që janë duke u zhvilluar. Kryetari Haliti bëri me dije se me rregullimin e këtij sheshi do të krijohet më shumë hapësirë për lëvizjen e lirë të qytetarëve në qytetin e Vitisë. “Me rregullimin e këtij sheshi do të krijojmë më shumë hapësirë për lëvizje në qendër të qytetit pa mjete motorike. Pra me këtë projekt synohet që qendra e qytetit të Vitisë, të shndërrohet në hapësirë për lëvizje të lirë të këmbësorëve dhe çiklistëve duke zhvendosur parkingung që gjendet afër parkut dhe duke bllokuar komunikacionin për lëvizjen e mjeteve motorike. Gjithashtu ky shesh do të bashkohet me parkun “Nijazi Azemi” dhe do të shndërrohet në një hapësirë publike që do të shfrytëzohet nga të gjithë qytetarët tanë” u shpreh Kryetari Haliti.

Kontrolloni gjithashtu

U mbajt mbledhja e gjashtë e rregullt e Komitetit për Politikë dhe Financa

Nën udhëheqjen e kryesuesit të Kuvendit Komunal të Vitisë, Bekim Azizi, sot është mbajtur mbledhja …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara