Këshilli Komunal për Siguri në Bashkësi në komunën e Junikut ka mbajtur takimin e radhës,

25/11/2020 Institucionet

Këshilli Komunal për Siguri në Bashkësi në komunën e Junikut ka mbajtur takimin e radhës, ku është diskutuar siguria në Komunën e Junikut, e cila është cilësuar në aspektin e sigurisë shumë e mirë dhe pavarësisht prezencës së virusit COVID situata epidemiologjike është e menaxhueshme, mirëpo secili nga ne duhet të tregojmë kujdes në mënyrë që të mbrojmë veten dhe të tjerët. Kryetari i Komunës së Junikut Agron Kuçi njoftoj anëtarët e KKSB-së për zhvillimet e fundit, menaxhimin e situatës epidemiologjike, ku komuna e Junikut deri më tani ka 29 raste të konfirmuara, 6 raste aktive dhe 1 rast vdekje, mësimi në shkolla tashmë po vazhdon sipas skenarit A dhe B dhe institucionet tjera komunale po vazhdojnë punën sipas rekomandimeve të dala nga Vendimi i fundit i Qeverisë. KKSB dhe Kryetari i Komunës ftojnë qytetarët të tregojnë kujdes dhe të sillen sikurse janë të infektuar apo secili nga ne të jetë i infektuar, në mënyrë që të mbrojmë secilin nga ne dhe u kërkua nga Inspektorati dhe Policia që të jenë sa më shumë aktiv në monitorimin e respektimit të masave sipas Ligjit për COVID. Takimi i KKSB-së bëri edhe një herë të qartë që nuk lejohet gjuetia në territorin e komunës së Junikut deri në krijimin e zonave të përbashkëta dhe se shoqatat që furnizojnë kafshët e egra me ushqim për çdo aktivitet duhet ti njoftojnë Inspektoratin dhe Stacionin Policor në Junik. Luten qytetarët t’i respektojnë vendimet e marra nga Qeveria, masat parandaluese udhëzuese të OSHB-së dhe të ju shmangen takime të panevojshme.

Kontrolloni gjithashtu

Kuvendi Komunal i Vitisë mbajti mbledhjen e katër të rregullt

Kuvendi Komunal i Vitisë ka mbajtur sot mbledhjen e katërt të rregullt. Me këtë rast …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara