Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partia Socialdemokrate, që udhëhiqet nga Dardan Molliqaj ka zhvilluar sot një aksion në oborr të presidencës. Aktivistë të kësaj partie kanë vendosur flamurin me logon e UÇK-së, në mënyrë që kryetarja Osmani të shohë atë dhe të bindet se ka ekzistuar dhe ka luftuar Ushtria Çlirimtare e Kosovës. Ky aksion i Partisë Socialdemokrate të Kosovës u ndërmor pas akuzave të shumta nga të gjithë shqiptarët liridashës që i kanë adresuar kryetares aktuale të Kosovës, Vjosa Osmani, pasi ajo gjatë vizitë në 22-vjetorin e Betejës së Koshares, së bashku me kryeministrin Albin Kurti kishin folur për betejën dhe të rënët e të vrarët, për burrat e gratë trimëresha, por e kishin anashkaluar përmendjen e togfjalëshit, Ushtria Çlirimtare e Kosovës. Në oborr të presidencës janë të vendosur flamuri i BE-së, i Kosovës dhe jashtëligjshëm është vendosur edhe flamuri i Dardanisë, ideuar nga Ibrahim Rugova, me të cilin identifikohet Lidhja Demokratike e Kosovës.
