Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në moshën 71-vjeçare, pas një sëmundje të rëndë, u nda nga jeta, veprimtari, i burgosuri politik, luftëtari i lirisë, Hysen Gega. U lind në një familje atdhetare në fshatin Sallgrazhdë të Therandës, ish Suharekë, në vitin 1950.
I detyruar të punojë që në moshë të re për bukën e gojës, vajti në fillim në Beograd pastaj edhe jashtë vendit, në Gjermani, ku ka kontaktuar veprimtarët më të shquar, patriotë të atjeshëm. Një pjesë të jetës e kaloi në mërgim. Më 31 dhjetor të viti 1980 UDB-ja jugosllave e kishte arrestuar veprimtarin, Hysen Gega, në fshatin e tij të lindjes, në Sallagrazhdë të Therandës, sapo ishte kthyer nga mërgimi. Hyseni ka qenë bashkëveprimtar i Jusuf Gërvallës. Në mesin e atyre që e morën në pyetje dhe e maltretuan mizorisht ishte edhe Jusuf Buxhovi, asokohe inspektor i fshehtë dhe gazetar i regjimit jugosllav, në Gjermani. Hysen Gega ishte në mesin ne të burgosurve politikë më të pathyeshëm dhe njëri ndër veprimtarët më konsekuentë të Lëvizjes sonë Kombëtare. Ai njihet midis të burgosurve politikë si “legjendë e burgjeve jugosllave“ për shkak të qëndrimit të tij të paepur dhe përherë kryengritës.
