Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Jemi në muajin nëntor, e në këtë muaj është koha kur në Deçan bëhet vjelja e gështenjave, të cilat dikur edhe kanë siguruar jetesën e qytetarëve deçanas. Këtë ditë e ka pasuruar edhe Panairi me prodhime nga fermerët e komunës së Deçanit, të cilët kanë ekspozuar punën e tyre të vyer. Kryetari i komunës së Deçanit Bashkim Ramosaj, bashkë me nënkryetarin Sami Cacaj dhe bashkëpunëtorë kanë vizituar panairin e prodhimeve vendore në Komunën e Deçanit, ku kishin ekspozuar produkte e tyre fermerët e komunës së Deçanit në “Ditën e Gështenjës”, që për vendin ka një rëndësi dhe simbolikë të veçantë. Me këtë rast Kryetari Ramosaj the se, jemi vërtet krenarë që këta njerëz, të pandalshëm në punën e tyre, po ekspozojnë e ofrojnë produkte cilësore që po gjejnë vend jo vetëm brenda kufinjve por dhe përtej. Ai gjithashtu, falënderoi të gjithë fermerët për pjesëmarrjen në panair, njëkohësisht edhe Drejtorin e Bujqësisë për angazhimin në realizim të këtij panairi tashmë tradicional.
