Isuf Iberdemaj

Ministria e Drejtësisë e ka shkarkuar nga detyra drejtorin e Qendrës së Paraburgimit për të Mitur në Lipjan, Isuf Ibërdemaj

Drejtori i Qendrës së Paraburgimit për të Mitur në Lipjan, Isuf Ibërdemaj  është shkarkuar nga  detyra  përmes një vendimi të Ministrisë së Drejtësisë, si rrjedhojë e një raporti të Inspektoratit të kësaj ministrie, që  u cilësua si ndërhyrje në punët e Prokurorisë së Shtetit. Pas këtij shkarkimi është paraqitur  Isuf Ibërdemaj, i cili ka thënë se, lidhur me shkarkimin është njoftuar nga një njoftim i skenuar, por sipas tij ai nuk di më shumë detaje. “Nuk jam i njoftuar më shumë, arkiva e Ministrisë së Drejtësisë e paska dërgu një formë të njoftimit kështu të skenuar, jo diçka më hollësisht nuk di. Fatkeqësisht unë jam jashtë vendit, babanë  e kam në spital dhe deri ka fundi i javës tjetër nuk jam fizikisht atje dhe prandaj edhe nuk e kam ndërmend me u marrë me këtë punë këto ditë. Ibërdemaj ka folur edhe për dyshimet që përmenden si arsye të shkarkimit. Sipas tij Qendra e Paraburgimit ka zbatuar vetëm urdhrat e prokurorisë. Ibërdemaj ka përmendur edhe zëvendës-ministrin e drejtësisë, Blerim Sallahu, që sipas tij ky i fundit ka marrë vendim “për një veprim që është bërë në koordinim dhe me urdhëresë të prokurorit”.

Kontrolloni gjithashtu

Engelbert Zefaj: Kryeministri Albin Kurti është përfshirë në korrupsion, në aferën korruptive për rezerva të shtetit

Eksperti i ekonomisë, Engelbert Zefaj ka thënë se në raportin e Freedom House është potencuar …