Ministri Shala përgëzoi FFK-në për punën e madhe dhe suksesin historik0

06/05/2016 Institucionet

Ministri i Kulturës, Rinisë dhe Sportit, Kujtim Shala, ka organizuar në kabinetin e tij një pritje për drejtuesit e FFK-së, kryetarin Fadil Vokrri dhe Bordin Ekzekutiv të FFK-së, të cilët i përgëzoi për anëtarësimin e FFK-së në UEFA.

Në këtë takim mori pjesë edhe nënkryetari i Federatës Gjermane të Futbollit, Rainer Millkoreit.

Ministri Shala më këtë rast uroi drejtuesit FFK-së për punën e madhe dhe për suksesin historik që ka shënuar futbolli i Kosovës me anëtarësimin në UEFA, akt ky i cili i kurorëzoi ëndrrat e shumë brezave që kanë sakrifikuar shumë për futbollin e Kosovës.

Shala më tej shprehu përkushtimin dhe gatishmërinë e MKRS-së dhe Qeverisë së Kosovës për të ndihmuar futbollin e Kosovës, veçmas me investime në fushën e infrastrukturës sportive.

Më tej Shala i uroi fat FFK-së edhe ne kongresin e FIFA-së, me çka do të përmbyllet procesi i pranimit të Kosovës në federatat e mëdha të sportit botëror.

Ndërsa kryetari i FFK-së, Fadil Vokrri ka falënderuar ministrin Shala për mbështetjen dhe përkushtimin që ka treguar për të ndihmuar FFK-në në këtë proces tejet të rëndësishëm për Kosovën.

Ai më tej u shpreh se pranimi i Kosovës në UEFA është ëndërr e gjeneratave të reja, dhe falënderoi të gjithë ata që kanë kontribuar në këtë drejtim, e veçanërisht ministrin për shtytjen e vazhdueshme që i ka dhënë këtij procesi.

Në takim i pranishëm ishte edhe nënkryetari i Federatës së Futbollit të Gjermanisë, Rainer Millkoreit, i cili tha se pranimi i Kosovës në UEFA është sukses i jashtëzakonshëm për FFK-në, për shtetin e Kosovës dhe sidomos për të rinjtë e Kosovës. Ai më tej shprehu përkushtimin e tij dhe të Federatës Gjermane të Futbollit për të vazhduar bashkëpunimin me FFK-në në funksion të ngritjes së futbollit të Kosovës.

Kontrolloni gjithashtu

Pensionohet doktoresha Hamdije Zuka

Kryetari i komunës së Vitisë Sokol Haliti ishte prezent sot me rastin e pensionimit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara