Filloi hartimi i draft rregullores për subvencione dhe grante në bujqësi

15/03/2022 Institucionet

Pas vendimit të kryetarit të Komunës së Malishevës, Ekrem Kastrati, për formimin e komisionit për hartimin e draft rregullores për përkrahjen e fermerëve në bujqësi dhe bizneseve në sektorin privat, ky komision ka filluar punën e tij për hartimin e kësaj draft rregulloreje, përmes së cilës përcaktohen kushtet, kriteret dhe procedurat për subvencione dhe grante në fushën e bujqësisë.

Në punën e këtij komisioni, pjesë e së cilit ishte edhe nënkryetari i Komunës së Malishevës, Vesel Krasniqi, janë përcaktuar kushtet, kriteret dhe procedurat, të cilat i mundësojnë komunës së Malishevës ndarjen e mjeteve në fushën e bujqësisë nga kategoritë e subvencioneve në fushën e bujqësisë.

Ky komision është i përbërë nga zyrtarët përgjegjës komunal, përkatësisht zyrtarë të drejtorisë së bujqësisë dhe zyrtarë tjerë, të cilët janë të obliguar të bëjnë draftin e parë të rregullores dhe pas kësaj e njëjta të procedohet në organet tjera, deri në finalizimin e saj.

Sipas kryetarit të këtij komisioni, Milaim Morina, pas përfundimit të draftit të parë, i njëjti dokument do të procedohet më tutje, deri në finalizimin e rregullores.

Kontrolloni gjithashtu

KKSB në komunën e Skenderajt mbajti mbledhjen e rregullt

Këshilli Komunal për Siguri në Bashkësi, i udhëhequr nga kryetari i Komunës, Fadil Nura, dhe …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara