Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyrtarët komunalë të Deçanit i janë drejtuar me një kërkesë Gjykatës Kushtetuese, e cila pritet të marrë vendim lidhur me rastin e disa tokave publike në Deçan, pronësinë e të cilave po e kërkon Manastiri i Deçanit. Kryetari i komunës, Rasim Selmanaj, paralajmëron se nuk do të zbatojë vendimin e Gjykatës Kushtetuese në rast se ai merret në favor të Manastirit. Selmanaj trajtimin e kësaj lënde nga ana e kësaj gjykate e konsideron si ndërhyrje politike. Kundër dhënies së dy pronave publike këtij manastiri është edhe opozita në këtë komunë. Në vitin 2002, Gjykata Komunale në Deçan kishte anuluar çdo marrëveshje mbi faljen e këtyre pronave, marrëveshje të bëra nga qeveria në Serbi, që datojnë nga vitet 1993-1997, gjatë kohës së okupimit të Kosovës nga regjimi fashist i Serbisë.
