Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në moshën 89-vjeçare ka vdekur dhe është varrosur në Prekaz veprimtari dhe i burgosuri politik i viteve 50-të 60-të, Bislim Tahir Bislimi. Bislim Bislimi i përket gjeneratës së veprimtarëve të Adem Demaçit, Ali Aliut, Metush Krasniqit e veprimtarëve të tjerë të njohur të kohës, të cilët kishin vazhduar luftën që e kishte filluar NDSH-ja por në kushte dhe rrethana të reja. Pas një veprimtarie në konsolidimin e grupeve ilegale ishin zbuluar nga UDB-ja dhe pas procesit gjyqësor i kishin dënuar me burg .
Në bazë të të dhënave dhe veprimtarisë së tyre në organizatën ilegale ishin dënuar të akuzuarit:
- Bislim Bislimit i shqiptohet dënimi me burg në kohëzgjatje prej 5 (pesë) vjetësh, dënim i cili i llogaritet që nga 14 prilli i vitit 1959, respektivisht që nga dita kur edhe është arrestuar.
- Adem Alia, dënohet me 1 (një) vit e 6 (gjashtë) muaj burg të rëndë. Burgu i llogaritet që nga dita e arrestimit nga 16 prilli 1959.
- Sherif Muslia dënohet me 2 (dy) vjet burg të rëndë. Dënimi i llogaritet që nga dita e arrestimit 15 prilli 1959.
- Beqir Meha dënohet për vepër penale nga neni 117, alineja 2 të L.P. me 1 vit e gjysmë burg të rëndë. Ndërsa për grabitjen e pushkës nga shkolla fillore në Prekazin e Epërm nga neni 250, alineja 2 të L.P. me dënim të rëndë në kohë zgjatje prej 1 (një ) viti burg.
Gjyqi duke i pasur parasysh të gjitha aktivitete dhe veprimtarin e tij, i shqipton një dënim të përgjithshëm për të dy veprat dhe e dënon me 2 (dy) vite burg të rëndë duke filluar që nga dita kur edhe ishte arrestuar 15 prilli i vitit 1959
- Ramadan Zeneli dënohet me 2 (dy ) vite burg të rëndë duke pasur për bazë ditën e arrestimit të 20 prillit 1959.
- Istref Hasanit, Gjykata e Qarkut në Prishtinë i shqipton dënimin prej 1 viti e gjysmë, duke filluar që nga 20 prilli 1959.
