Asfaltohen rrugët në lagjen Mirdita në Malishevë

15/05/2016 Institucionet

Në kuadër të rregullimit të infrastrukturës së përgjithshme në Komunën e Malishevës, e në veçanti në qytetin e Malishevës, të dielën ka filluar asfaltimi i rrugëve brenda lagjes “Mirdita”, në Malishevë. Asfaltimin e këtyre rrugëve, e kanë përcjellë nga afër edhe Kryetari i Komunës së Malishevës, Ragip Begaj, deputeti i Kuvendit të Kosovës, Enver Hoti, drejtori i urbanizimit, Ahmet Morina, drejtori për ekonomi, buxhet dhe financa, Vesel Krasniqi dhe drejtori i arsimit Avdi Morina, të cilët edhe i kanë uruar banorët e kësaj lagje.

“Rritja e mirëqenies së qytetarëve të Komunës së Malishevës, është edhe qëllimi ynë kryesor në qeverisjen e komunës, prandaj edhe këto rrugë që po asfaltohen, janë në kuadër të rritjes së mirëqenies së qytetarëve, përmes rregullimit të infrastrukturës së përgjithshme”, tha me këtë rast kryetari Begaj.

Edhe deputeti Hoti, i ka uruar banorët për këto rrugë, si dhe e ka inkurajuar qeverinë komunale të Malishevës, për punë dhe për realizim të projekteve, në mënyrë që të rritet mirëqenia e qytetarëve të Komunës së Malishevës.

Ndërsa drejtori i urbanizmit Morina, tha se “si drejtori jemi të angazhuar maksimalisht në realizimin e projekteve të përcaktuara për këtë vit, si dhe jemi të përkushtuar që cilësia e këtyre projekteve, të jetë sipas standardeve të kërkuara, në mënyrë që rrugët dhe të gjitha projektet tjera që realizohen, të jenë afatgjate”.

Kontrolloni gjithashtu

Shkollat e Ferizajt dhe Qendrat e Mjekësisë Familjare paraqitën kërkesat dhe nevojat e tyre

Dëgjimet buxhetore për hartimin e Projektbuxhetit për vitin 2027 të komunës së Ferizajt kanë vazhduar …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara