Shefi i grupit parlamentar të Aleancës për Ardhmërinë e Kosovës, Besnik Tahiri, e ka përshëndetur nismën e Qeverisë së Kosovës, që të aplikojë për anëtarësimin në Këshillin Evropian. Ai ka thënë se ky është rast ideal për vendin dhe se Republika e Kosovës nuk do të ketë situatë tjetër më të volitshme për anëtarësim në Këshillin e Evropës. Anëtarësimi në Këshillin e Evropës e ka një moment të mirë, të cilin duhet ta shfrytëzojmë. Zhvillimet në Ukrainë dhe vendimi për ta larguar Rusinë nga Këshilli i Evropës, janë dy ngjarje që mund të kthehen në favorin tonë, në qoftë se punojmë në mënyrë strategjike, sistematike dhe gjithëpërfshirëse. Gjatë vizitës në Strasburg, në të gjitha takimet me deputetë të Asamblesë Parlamentare, nuk kemi hasur në përgjigje negative, tha Besnik Tahiri.
Kontrolloni gjithashtu
Bajraktari: Për një periudhë tejet të gjatë kohore krimet e luftës kanë qenë kompetence e autoriteteve ndërkombëtare
Avokati Ardian Bajraktari ka vlerësuar se trajtimi i krimeve të luftës në përgjithësi dhe atyre …