Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas kritikave të shumta në seancën e sotme të Kuvendit, lidhur me Projektligjin për Byronë Shtetërore për Konfiskimin e Pasurisë së Pajustifikueshme, ka reaguar ministrja e Drejtësisë, Albulena Haxhiu. Ajo tha se nuk mundem diçka tjetër me prezantua në fushatë e diçka tjetër me punu kur e marr mandatin e ministres. Duke iu përgjigjur deklaratave të opozitës për “hakmarrje politike”, Haxhiu tha se ka pas tendenca të tilla në të kaluarën, duke përmendur përpjekjet që Vetëvendosja të shpallej organizatë e paligjshme. Në këtë konstatim të ministres ka replikuar deputeti i PDK-së, Rashit Qalaj i cili kërkoi nga ministrja Haxhiu që të ketë kujdes me deklarimet. Ai tha: Ministre me na shit moral është bukur mirë, por jo nga ju. Ju e dini ministre çka keni bërë në këtë Kuvend. Është turp të flasësh ti për këto gjëra. Unë jam deputet dhe kam drejt ta shpreh mendimin tim. Jini më e kujdesshme kur i drejtoheni deputetëve sepse të kthehet bumerang, nënvizoi deputeti Rashit Qalaj.
