Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Skenderajt, Fadil Nura së bashku me drejtoreshën për Shëndetësi e Mirëqenie Sociale, Rrezarta Hasani – Ibrahimi, kanë takuar sot studentët e mjekësisë, të cilët janë duke kryer praktikën në Qendrën Kryesore të Mjekësisë Familjare në Skenderaj. Gjatë takimit është diskutuar për kushtet që QKMF-ja ofron në aspektin e punës profesionale shëndetësore, ku kryetari Nura është interesuar më shumë rreth punës së studentëve gjatë kryerjes së shërbimit të nevojshëm praktik. Studentët nga ana e tyre janë shprehur falënderues për mundësinë e ofruar të përfundimit të praktikës në QKMF-në e Skenderajt. Kryetari Nura ka theksuar se do të bëjë përpjekje që brenda mundësive buxhetore të ndajë mjete financiare, për t’i mbuluar shpenzimet e udhëtimit të studentëve që po kryejnë praktikën profesionale.
