Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në takimin e kryetarit të komunës së Deçanit, z.Bashkim Ramosaj me përfaqësuesit e KEDS-it, z.Astrit Bujupaj dhe z.Besnik Berisha, u bisedua për gjendjen aktuale të energjisë elektrike në vendin tonë ku kjo gjendje do të vështirësohet gjatë muajve të dimrit, andaj komuna e Deçanit i bënë thirrje qytetarëve të kursejnë energjinë elektrike aty ku kanë mundësi, në mënyrë që të përballemi sa më pak me mungesë të saj. Kjo thirrje bëhet me qëllim të rritjes së vetëdijesimit dhe përgjegjshmërisë së qytetarëve në mënyrë që energjia elektrike të mos shpenzohet aty ku nuk ka nevojë dhe të kemi kujdes në përdorimin sa më të arsyeshëm të aparaturës shtëpiake. Gjithashtu komuna e Deçanit si institucion do të rrit përgjegjësinë dhe kujdesin në shpenzimin e energjisë elektrike në hapësirat dhe institucionet publike. Të angazhohemi që së bashku ta tejkalojmë këtë krizë energjetike sa më lehtë!
