leoni

Filloi rregullimi edhe i një rruge në Malishevë

21/06/2016 Institucionet

Në kuadër të rregullimit të infrastrukturës në qytetin e Malishevës, përkatësisht në lagjet e qytetit, pas rregullimit të dy kanalizimeve dhe disa rrugëve, të martën ka filluar rregullimi edhe i një rruge në lagjen e Gurit, pasi paraprakisht në atë pjesë ka përfunduar rregullimi i kanalizimit. Rruga është e gjatë afër 400 metra, dhe është një prej projekteve të planifikuara nga qeveria komunale.

Fillimin e punimeve e kanë parë nga afër edhe kryetari i Komunës së Malishevës, Ragip Begaj, bashkë me drejtorin e urbanizmit Ahmet Morina dhe atë të administratës, Hajrullah Mazreku. Kryetari Begaj dhe drejtorët, i kanë uruar banorët për fillimin e punimeve dhe i kanë siguruar banorët, se janë të përkushtuar në rregullimin e infrastrukturës dhe projekteve, përmes së cilave, rritet mirëqenia e qytetarëve, në rastin konkret, banorët e kësaj pjesë, nuk do të kenë problem në qarkullimin e tyre, deri në rrugët kryesore të qytetit.

Ndërsa drejtori i urbanizmit Ahmet Morina, ka sqaruar se rruga e gjatë afër 400 metra, ndërtohet me fonde të komunës, ndërsa rruga do të jetë e shtruar me kubëza, e jo me asfalt, pasi është një zonë ku mund të ketë punime tjera, dhe rruga nuk dëmtohet gjatë punimeve në të ardhmen dhe se kupëzat janë praktik.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara