Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Rahovecit Smajl Latifi, ka pritur në takim artistët rahovecas, Selami Haxhijaha, Fehmi Hoxha, Naim Kafexhiu, Fetah Haxhijaha dhe Art Hoxha, të cilët ishin pjesë e kolonisë së artistëve nga 15 vende të botës, që u mbajt për 6 ditë nga data 24-29 shtator në Rahovec. Si dhuratë për Komunën e Rahovecit, sollën skulpturën e gdhendur në gur mermeri nga skulptori Gazmir (Gaz) Gega nga Fieri. Në këtë vepër arti janë gërshetuar violina, si vegël muzikore, trupi i gruas, dhe hardhia e rrushit, si veçanti dhe simbol i komunës së Rahovecit. Kryetari Latifi i ka falënderuar për angazhimin e tyre në organizimin e kësaj kolonie, duke futur Rahovecin në mesin e shumë vendeve artdashëse të botës. Komuna e Rahovecit ka mbështetur dhe do të vazhdojë të mbështesë në organizimin e ngjarjeve të tilla, tha kryetari Latifi.
