Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qeveria e Kosovës, pavarësisht deklaratave paraprake, pompoze dhe mujshare, i ka përfillë dy kërkesa, që ia kanë shtruar ndërkombëtarët derisa po shpërfaqeshin synimet për të hapur Urën mbi Ibër për qarkullim të automjeteve. Ka bërë testimin e urës – siç kishte rekomanduar një shtet anëtar i QUINT-it dhe ka zhvilluar diskutime me serbët lokalë. Në ditën kur u prezantua raporti se ura është stabile, e qëndrueshme dhe funksionale, Kryeministri Kurti iu tha gazetarëve se s’bëhet fjalë për diskutim, por për hapje. Të njëjtën ditë shefit të qeverisë i shkuan dy mesazhe të forta, një nga Ambasadori Hovenier se hapja e urës rrezikon ushtarët amerikanë dhe një tjetër nga Komandanti i KFOR-it që paralajmëroi kundër veprime, të njëanshme dhe të pakoordinuara duke e theksuar se nuk do të hezitojnë të ndërmarrin masa, nëse krijohen tensione.
