Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Grupit Parlamentar të AAK-së, Besnik Tahiri, ka shprehur shqetësimin e tij se Qeveria mund të sjellë buxhetin për vitin 2025 në seancë plenare nesër, duke e kaluar atë në dy lexime përmes procedurave të përshpejtuara. Tahiri e ka cilësuar këtë veprim si të pamatur, duke theksuar se një buxhet i përkohshëm duhet të rishikohet pas zgjedhjeve për t’u përshtatur me nevojat reale të qytetarëve dhe të shtetit. Tahiri gjithashtu ka sqaruar se me këtë buxhet të propozuar nga Qeveria Kurti, nuk është e mundur të rriten pagat në sektorin publik, pasi vlera e koeficientit për pagat është e përcaktuar në ligjin vjetor të buxhetit, sipas nenit 9 të Ligjit për Pagat në Sektorin Publik. Ai ka kritikuar qëndrimin e Qeverisë, duke e quajtur mashtrim premtimin për rritjen e pagave, ndërsa struktura e koeficientëve nuk mund të ndryshohet në këtë buxhet.
