Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata speciale në Hagë kanë vendosur të vazhdojnë masën e paraburgimit edhe për dy muaj të tjerë për të akuzuarit Rexhep Selimi dhe Jakup Krasniqi. Vendimet përkatëse u morën më 13 nëntor 2024 nga kryetari i trupit gjykues, Charles Smith III, pas shqyrtimit të rrethanave të rastit. Në arsyetimin e vendimeve, Paneli i gjyqtarëve ka konkluduar se nuk ka prova të mjaftueshme që sugjerojnë se dy të akuzuarit mund të ikin nga drejtësia. Megjithatë, ata kanë vlerësuar se ekziston një rrezik i mundshëm që të akuzuarit të pengojnë proceset gjyqësore të DhSK-së dhe të kryejnë krime të tjera, përfshirë ndikimin tek dëshmitarët dhe mundësinë e kërcënimit të kundërshtarëve të UÇK-së. Paneli ka vendosur që paraburgimi të vazhdojë, duke theksuar se asnjë masë alternative nuk do të ishte e mjaftueshme për të menaxhuar rreziqet që lidhen me këta të akuzuar.
