Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Misioni i KFOR-it, ka konfirmuar se nuk ka dhënë autorizim për dërgimin e FSK-së, në zonën e prekur nga shpërthimi në kanalin e Ibër-Lepencit në Zubin Potok. Institucionet e Kosovës kishin bërë një kërkesë të tillë pas incidentit më 29 nëntor, por komandanti i KFOR-it e refuzoi, duke u bazuar në vlerësimin e situatës dhe masat e ndërmarra nga vetë ai. Sipas marrëveshjes së vitit 2013, nënshkruar nga ish-kryeministri Hashim Thaçi, FSK-ja nuk mund të operojë në veri pa miratimin paraprak të KFOR-it. KFOR ka vendosur njësitet e saj në zonën e dëmtuar dhe ka ofruar ndihmë shtesë për institucionet e Kosovës, duke përfshirë mbështetje logjistike dhe për asgjësimin e mjeteve shpërthyese. Situata mbetet nën monitorim të vazhdueshëm nga komandanti i KFOR-it, i cili është në kontakt me partnerët kryesorë.
