Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori i Institutit të Kosovës për Drejtësi, Ehat Miftaraj ka reaguar ndaj refuzimit të kryeministrit Albin Kurti për t’iu përgjigjur ftesës së Prokurorisë Speciale si dëshmitar. Në një postim publik, Miftaraj kritikoi qasjen e Kurtit, duke thënë se kryeministri po sillet sikur të ishte prokuror. Në mënyrë ironike, Miftaraj sugjeroi që Kurti mund të marrë edhe kompetenca nga Kodi Penal i Kosovës dhe të nisë hetime ndaj prokurorëve të Prokurorisë Speciale. Le ta zbatojë kapitullin e veprave penale kundër administrimit të drejtësisë, shkroi ai, duke theksuar se mungesa e veprimeve nga prokurorët rrezikon integritetin e procedurave penale. Miftaraj gjithashtu i ka kritikuar prokurorët e Kosovës për moszbatimin e standardeve të duhura dhe u bëri thirrje të marrin shembull nga kolegët e tyre në Gjykatën Speciale në Hagë, për të ruajtur pavarësinë dhe integritetin e sistemit të drejtësisë.
