Kryetari Latifi në Dedaj takon drejtuesit e OVL-UÇK dega në Has

21/01/2025 Institucionet

Kryetari i komunës së Rahovecit, z. Smajl Latifi ka njoftuar përmes rrjetit të tij social facebook se ka takuar në mjediset e bukura të fshatit Dedaj, drejtuesit e Organizatës së Veteranëve të Luftës së UÇK-së, dega në Has, ku u prit me ngrohtësi dhe respekt nga kryetari Xhevdet Thaçi, bashkëluftëtari e bashkëveprimtari i tij si dhe nga kryesia e OVL të Hasit, miq të kryetarit, bashkëluftëtarë dhe bashkëveprimtarë që nga vitet e para-luftës, burra të fjalës, të fortë e të ndershëm.

Së bashku ata kanë bërë homazhe te Lapidari i Dëshmorëve në Memorialin e UÇK-së “Porta e Lirisë”, duke nderuar sakrificën sublime të atyre që dhanë gjithçka për lirinë e Kosovës.

Lavdi përjetë dëshmorëve të kombit dhe respekt i thellë për të gjithë ata që mbrojtën dinjitetin dhe idealet tona kombëtare!

Hasi është një dhe i pandarë dhe emri i tij përshkruan më së miri hasjanët:

Heroizëm

Atdhedashuri

Sinqeritet, ka shkruar në faqen e tij në facebook, kryetari i komunës së Rahovecit, z. Smajl Latifi.

Kontrolloni gjithashtu

U përkujtua dëshmori Kemajl Azizi

Në 27-vjetorin e rënies heroike të dëshmorit të kombit, Kemajl Azizi, Kryetari i Komunës së …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara