Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kanë kaluar gjashtë ditë që nga dita e zgjedhjeve në Kosovë, dhe nga rënia e serverit të ueb-faqes zyrtare të KQZ-së në ditën e zgjedhjeve. Prej asaj dite ka vonesa në numërimin e votave për kandidatët për deputetë, problemet me blerjen e kamerave dhe mos-trajnimi i duhur i stafit, janë vetëm disa prej çështjeve që e kanë zbehur besueshmërinë e gjithë procesit. Prokuroria Themelore në Prishtinë, ka konfirmuar se ka kërkuar nga KQZ-ja marrjen e informatave të nevojshme për të vërtetuar nëse ka elemente të kryerjes së ndonjë vepre penale. KQZ-ja ka thënë më 12 shkurt i ka bërë thirrje Prokurorisë së Shtetit dhe institucioneve të tjera të sigurisë për ta sqaruar situatën dhe për të ofruar mbështetje teknike, teksa ka siguruar se, pavarësisht gjithë kësaj situate, integriteti i votës nuk është cenuar dhe se rezultatet do të jenë të sakta. Edhe ish-zyrtarë të KQZ-së kanë thënë se njëmend është vështirë të manipulohet me vota, por e keqja e gjithë kësaj është humbja e besimit të qytetarëve në procesin zgjedhor. Në komunikatën e Qeverisë së Kosovës thuhet se tema kryesore ka qenë dialogu ndërmjet Kosovës dhe Serbisë.
