Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjyqtarja e procedurës paraprake në Hagë, Marjorie Masslot, ka refuzuar edhe kërkesën e dytë të Hashim Thaçit për ta vizituar të atin në Kosovë. Thaçi kërkoi lirimin e përkohshëm për një ditë për shkak të përkeqësimit të gjendjes shëndetësore të babait të tij. Mbrojtja argumentoi se rrethanat kanë ndryshuar që nga refuzimi i parë në janar 2025 dhe se masat mbikëqyrëse mund të zbusin çdo rrezik për arratisje ose ndërhyrje në drejtësi. Prokuroria kundërshtoi kërkesën, duke theksuar se babai i Thaçit nuk është i shtruar në spital dhe se Thaçi mund të komunikojë me të përmes video telefonatave. Në vendim thuhet se liria e përkohshme për arsye humanitare është një masë përjashtuese dhe nuk u konstatua se gjendja e babait të Thaçit është kritike për të justifikuar lirimin. Hashim Thaçi ndodhet në paraburgim, në Hagë, që nga nëntori 2020.
