Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas heqjes së kufizimeve ndaj mallrave serbe nga Kosova në tetor të vitit 2024, vlera e importeve nga Serbia në Kosovë ka shënuar një rritje të ndjeshme. Vendimi i Qeverisë së Kosovës për të zëvendësuar ndalimin e plotë me një kontroll të shtuar ka sjellë një dyfishim të importeve nga Serbia brenda tre muajve të parë. Sipas të dhënave të Doganës së Kosovës, importet nga Serbia u rritën nga 13.1 milionë euro në tetor 2024 në 19.8 milionë euro në dhjetor të të njëjtit vit. Në janar 2025, vlera e importeve arriti në 14.3 milionë euro. Produktet e importuara përfshijnë një gamë të gjerë mallrash, nga materialet ndërtimore dhe ushqimet bazë deri te pajisjet mekanike dhe produktet industriale. Pavarësisht pretendimeve të Qeverisë për rritjen e eksporteve, deficiti tregtar i Kosovës vazhdon të thellohet, duke arritur një disbalancë prej 19 miliardë eurosh gjatë katër viteve të fundit.
