Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Instituti Demokratik i Kosovës ka shprehur shqetësim të thellë për refuzimin e Kryeministrit Albin Kurti për t’u paraqitur për të dëshmuar në Prokurorinë Speciale në rastin e njohur si “Rezervat Shtetërore”. KDI thekson se ky veprim është në kundërshtim me parimin e sundimit të ligjit dhe barazisë para ligjit, duke ,krijuar një precedent të rrezikshëm që mund të inkurajojë zyrtarët e tjerë të shmangin rregullat ligjore. KDI apelon që Kryeministri të paraqitet pa kushte për të dhënë dëshminë e kërkuar, për të forcuar besimin e qytetarëve në institucionet shtetërore dhe për të demonstruar se askush nuk është mbi ligjin. Insistimi i Kryeministrit për të diktuar kushtet e dhënies së dëshmisë – duke këmbëngulur që intervistimi të zhvillohet në zyrën e tij dhe jo në ambientet e Prokurorisë – krijon një precedent të rrezikshëm dhe bie ndesh me dispozitat ligjore në fuqi. Sundimi i ligjit nënkupton se askush, pavarësisht pozitës apo funksionit, nuk gëzon trajtim të veçantë përballë institucioneve të drejtësisë.
