Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ali Ahmeti ka pritur në takim ambasadoren e Republikës së Kroacisë, znj. Nives Tiganj. Ata diskutuan për rëndësinë e respektimit të Marrëveshjes së Ohrit, duke theksuar se ajo është një gurthemel për stabilitetin dhe bashkëjetesën ndëretnike në Maqedoninë e Veriut. Ahmeti vuri në dukje se një nga rezultatet më të prekshme të kësaj marrëveshjeje është zbatimi i Ligjit për përdorimin e gjuhëve, i cili duhet të zbatohet plotësisht dhe në mënyrë të barabartë në të gjitha institucionet. Përveç kësaj, ata diskutuan rrugën e Maqedonisë së Veriut drejt anëtarësimit në Bashkimin Evropian, duke u fokusuar veçanërisht në projektet Twinning, të cilat janë të rëndësishme për afrimin me standardet evropiane. Ahmeti theksoi se realizimi i 18 projekteve aktive të përbashkëta mes Maqedonisë së Veriut dhe Kroacisë kontribuon drejtpërdrejt në forcimin e institucioneve dhe përgatitjen për integrimin evropian.
