Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Anëtari i Kryesisë së Lidhjes Demokratike të Kosovës, Muhamet Hamiti, ka reaguar ndaj propozimit të Vetëvendosjes që Albulena Haxhiu të jetë kryetare e Kuvendit të Kosovës. Ai tha se askush që ka sulmuar Kuvendin nuk duhet as të propozohet, e as të zgjidhet në këtë pozitë. Askush nga kontigjenti i njerëzve që e kanë sulmuar Kuvendin, institucionin ligjvënës të Kosovës, nuk do të duhej as të propozohej as të zgjidhej në detyrën e kryetarit të Kuvendit. As njerëzit që kanë bërë ligje antikushtetuese, ka shkruar Hamiti. Ai aludoi drejtpërdrejt në përfshirjen e Haxhiut në ngjarjet e vitit 2016, kur ajo dhe disa deputetë të tjerë të VV-së u akuzuan për futjen e gazit lotsjellës në sallën e Kuvendit. Rasti i saj gjyqësor për këtë ngjarje është ende aktiv dhe seanca e radhës është caktuar për 7 maj, pasi në seancën e marsit nuk kishin qenë të pranishëm të gjithë të akuzuarit.
