Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot është zhvilluar një takim mes kryetarit të Partisë Demokratike të Kosovës, Memli Krasniqi, dhe liderit të Lëvizjes Vetëvendosje, Albin Kurti, në përpjekje për të gjetur rrugëdalje nga bllokada institucionale pas zgjedhjeve të fundit parlamentare. Pas takimit, Memli Krasniqi deklaroi për mediat se diskutimet kishin për qëllim shqyrtimin e mundësive për konstituimin e Kuvendit të Kosovës dhe vijimin e proceseve kushtetuese. Ai theksoi se PDK-ja nuk ka qëllim bllokues, por kërkon një zgjidhje të pranueshme për të gjithë, duke sugjeruar që VV-ja të shqyrtojë kandidatura të tjera për kryetarin e Kuvendit, për shkak se, sipas tij, nuk mund të imponohet një kandidat që nuk i ka votat e nevojshme në Kuvend. Ne nuk kemi marrëveshje politike me VV-në, por kemi qëndrime të qarta. Po kërkojmë të votojmë një figurë të pranueshme që mund të sigurojë shumicën. Deri më tani janë përmendur dy opsione nga opozita që mund të kenë mbështetje , u shpreh Krasniqi. Ai gjithashtu konfirmoi se çështja e nënkryetarëve nuk është diskutuar në këtë takim.
