Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Oda Ekonomike e Kosovës ka kërkuar shtyrjen për një vit të kalimit të bizneseve të mëdha në tregun e lirë të energjisë, duke paralajmëruar pasoja të rënda për ekonominë. Kryetari i OEK-ut, Lulzim Rafuna, tha se ofertat e para që kanë marrë kompanitë janë mbi 200% më të larta se çmimet aktuale. Vendimi i ZRRE-së, që hyn në fuqi më 1 qershor 2025, prek të gjitha kompanitë me mbi 50 punonjës apo me qarkullim mbi 10 milionë euro, të cilat do të detyrohen të zgjedhin vetë furnizuesin e energjisë në treg të hapur. Rafuna kërkoi gjithashtu që të suspendohet edhe rritja e fundit prej 16.1% e tarifave që ka hyrë në fuqi nga 1 maji. Edhe PDK e ka kundërshtuar këtë zhvillim. Deputeti Ferat Shala e quajti rritjen selektive dhe paralajmëroi hetime parlamentare për sektorin energjetik.
